GENERAL SANTOS CITY – Patay ang usa ka target sa search warrant human matud pa misukol sa mga pulis.
Giila ang nasampit nga suspek nga si Jeffrey Dequia, 42-anyos, residente sa Cabe Subd. Bula ning dakbayan.
Base sa report, gipatuman sa mga ginsakpan sa Bula Police Station ug uban pang unit ng kapulisan ang search warrant nga pirmado ni Hon. Judge Oscar Noel Jr. sa RTC Branch 35 ning siyuad, sa panimalay sa suspek kalabot sa pagsupak sa RA 9165 kon Comprehensive Dangerous Drugs Act of 2002.
Apan dihang basahan na unta ug warrant sa mga pulis ang suspek, kalit na lamang kining mipalag ug gipabuthan sa mga otoridad.
Hinungdan nga mibalos ang mga pulis ug napusilan ang suspek nga nadala pa sa tambalanan apan gideklarang dead on arrival.
Samtang narekober sa kapulisan sa panimalay niini ang usa ka caliber 38 pistol ug pipila ka pakete sa shabu.
