GENERAL SANTOS CITY – Gikonsiderang pinakahadlok nga panghitabo sa usa ka ginang sa Angeles City Pampanga ang nahitabo nga 6.1 magnitude nga lindol sa Zambales, Lunes.
Sa pakighinabi sa Bombo Radyo GenSan kang Rodora Lamoste Traymos, taga- Alegria Alabel, Sarangani apan kasamtangan nang nagpuyo sa Angeles City, ‘first time’ matud pa niyang makasinati ug susama kakusog nga linog, ug nagtuo nga mao na kadto ang katapusan sa iyang kinabuhi.
Matud pa nga 18 silang nanuroy ug namalit sa SM Mall kauban ang iyang anak, hinungdan nga ingon na lamang ang iyang pagpalak dihang nasinatian ang hilabihan kakusog nga linog.
Nangabuak usab matud pa ang mga samin sulod sa mall ug nangahagbong ang mga debris gikan sa kisame, samtang nangulog usab ang mga sapatos gikan sa estante.
Hinungdan nga naningkamot matud pa siya nga makuha ang anak nga gibilin sa play station.
Naabtan matud pa niya ang gahilak nga anak ilawom sa lamesa samtang naggakos sa lain pang usa ka bata.
Ug gani, sa kahadlok, nangutana matud pa ang anak kung may dinosaur sulod sa mall.
Gahilak usab matud pa ang mga tawo samtang gadagan pagawas sa naasoy’ng mall.
Human sa linog, nag-blackout matud pa sa Angeles City ug may mga pagbaha gumikan sa pag-awas sa mga swimming pool.
Bisan paman, nagpasalamat matud pa si Traymos nga luwas sila sa iyang pamilya sa nahitabong linog.
