GENERAL SANTOS CITY – Dugang kaso ang gikatakdang ipasang-at sa kapulisan batok sa Dawlah Islamiya Group ni Abu Toraife nga gitudlong responsable sa pagpamomba sa Isulan, Sultan Kudarat kaniadtong Abril 3.
Si Abu Toraife, ang lider sa usa sa tulo ka factions sa Bangsamoro Islamic Freedom Fighters kon BIFF, nga gaoperate sa pipila ka lugar sa Mindanao.
Matud ni Patrolman Jose Dullano III, sa Police Regional Office (PRO) 12 Public Information Office, giandam na karon sa Special Investigation Task Group kon SITG Carlito ang kasong robbery extortion sa mga naghisgutang suspek.
Kahinumduman nga usa ka tawo ang patay ug 17 angol sa naasoy’ng pagpangatake. Una nang gikasuhan ug murder with multiple frustated murder ang mga nasampit nga responsable.
Kahinumduman nga daghan ang nagkaon sa maong restaurant kaniadtong tungura gumikan sa selebrasyon sa mga mi-graduate kaniadtong adlawa.
Base sa report, kanhi nang gipangayuan ug P50,000 kada bulan ang tag-iya sa restaurant sa nagpakilalang miyembro sa Al Erhab Group, una pa man nahitabo ang pagpabusikad.
