GENERAL SANTOS CITY – Pwedeng masuspenso ang writ of habeas corpus dinhi sa Mindanao gumikan sa gipatuman nga Martial law.
Kini ang gibutyag sa Bombo Radyo GenSan ni Atty. Armand Clarin sa City Legal Office.
Apan dili matud pa siya sigurado kon lakip kini sa probisyon sa kasamtangang ginapatuman nga balaod-militar sa Mindanao.
Hinuon, aminado si Atty. Clarin nga usa kini ka matang sa pagsupak sa tawhanong katungod.
Apan dili matud pa tungod may Martial law, otomatiko nang gisuspenso ang writ of habeas corpus.
Ug sa iyang kasayuran, daw sa walay nakalatid sa kasamtangang Martial law nga gipatuman ang pagsuspenso sa maong katungod.
Bisan paman, gihingusgan ni Atty. Clarin nga wala nay angayang kabalak-an nga masubli ang nahitabo kaniadtong rehimen ni kanhing Pangulong Ferdinand Marcos tungod base sa 1987 Constitution, gisiguro nga kinahanglang espisipiko gayud ang grounds ug rason kon ugaling isuspenso ang writ of habeas corpus, nga pwedeng sutaon sa Kongreso ug Korte Suprema.
