GENERAL SANTOS CITY – Gipasalig ni Bombo Janjan Macailing, station manager sa Bombo Radyo GenSan, nag dili muundang ang sibyahanan sa paghisgot ug pagsaway sa investment scam nga KAPA o Kabus Padatuon ug uban pang kakuntsabo niini, nga gituuhang nagpaluyo sa mga pagpang-harass kaniya ug mga kaubanan.
Kini human makagawas sa bilangguan si Macailing human magpiyansa kagahapong adlawa. Sa iyang pagbalik sa sibyahanan ug duha ka kaubanan, subli niining gisausay ang gihimong pag-harass kanila dihang giaresto sa mga pulis kaniadtong Biyernes, Ener0 18.
Kahinumduman nga giaresto si Bombo Janjan pinasubay warrant of arrest nga ang bugtong rason mao ang kapakyasan nga makatambong sa hearing kaniadtng Enero 16.
Kini luyo nga nag-file na ug motion to postpone nga wala giaksyunan sa korte inay gilayong nagpagawas pagkasunod adlaw ug mandamiento de aresto.
Kahibaluan nga daw sa mga motorcycle-riding criminals ug wala naka-uniporme ang mga pulis nga misunud-sunod sa sakyanan ni Bombo Janjan kaniadtong Biyernes nga mga arresting officers diay.
Kumbinsido si Macailing nga tumong gayud sa mga nasampit nga patyon siya.
Daw sa nahimong overkill usab ang gihimong pag-aresto kaniya dihang gisilbi ang warrant of arrest kung asa miabot usab ang mga taga-City Mobile Force Company, Sarangani Intelligence Branch, Bula Police Station, Sarangani Drug Enforcement Unit, ug 1204th Sarangani Police Mobile Force Company.
Bisan paman, nagpasalamat si Bombo Janjan labing una sa Diyos, ug sa Bombo Radyo Philippines, hilabi na sa chairman na si Dr. Rogelio Florete Sr. ug president ug CEOnga si Madam Margareth Ruth Florete, sa padayong pagsuporta.
