GENERAN SANTOS CITY – Gipaklaro nilang Orly Sabelita, general manager sa Metro GenSan Transport Cooperative, ug Robert Cang, chairman sa Lagao Drivers Operators Transport Cooperative kon LADOTRANSCO ug chairman usab sa Public Transport Alliance of GenSan, ang mga kaanindot sa sistema sa paggamit ug E-Jeep, isip moda sa pampublikong transportasyon sa siyudad.
Sa pakighinabi sa Bombo Radyo, gibutyag ni Sabelita nga ang E-Jeep nga kabahin sa Public Utility Modernization Program sa national goverment.
Sumala pa nga ang E-Jeep, dili lang tubag sa problema sa kinaiyahan sama sa climate change, inay apil ang paghatag ug tinud-anay nga convenience sa mga riding public, gumikan adunay CCTV, dash cam, GPS, wifi, ug uban pa, ug gilaumang sa sunod higayon mahimo nang airconditioned.
Kahibaluan nga ang E-Jeep ang ginapadagan sa baterya ugdili sa gasolina, krudo o lana, ug muadto sa mga charging station aron mag-recharge.
Hinuon, luyo nga may uban nga nagsugod na sa pagpamasada, gikabutyag nga wala pay eksaktong plano nga launching ang LTFRB alang sa E-Jeep, apan ginapadali na sa lokal nga panggamhanan aron masolusyunan ang problema sa nagkalandrakas nga dagan sa transportasyon sa siyudad gumikan sa gitawag ug “daw sa pansit” nga ruta.
