GENERAL SANTOS CITY – Padayon ang gihimong imbestiagsyon sa kapulisan sa pagpamusil patay sa campus police sa Mindanao State University(MSU) sa Tambler ning syudad kagahapon.
Kahinumduman nga ang biktima giila sa pangalan nga si PO 3 Simon Pangkuga, 53 anyos nagpuyo sa MSU compound.
Matud pa ni P/Insp. Winnie Perez, Deputy sa Fatima Police Station, magsambayang unta ang biktima alayun sa Eid al-Adha sa mga Muslim dihang gipusil kini sa nag-inusarang suspek samtang pasakay sa motorsiklo niini.
Nakaangkon ang biktima og duha ka samad pinusilan sa ulo og likod nga hinungdan sa kamatayon niini.
Ilaha usab nasayran nga didto pa sa Lanao nagsugod ang redo sa biktima luyo nga 30 ka tuig na kining nagpuyo sa MSU compound.
Samtang, gibutyag ni Atty. Abdul Rachman Canacan ang chancellor sa MSU GenSan nga isolated lamang ang nahitabong pagpamusil sa biktima.
Gisiguro niini nga kanunay nga gipatuman ang hugot nga seguridad sa tulunghaan.
