-- ADVERTISEMENT --
GENERAL SANTOS CITY – Patay na dihang nakaplagan ang usa ka piniriso nga nagbitay sulod sa selda sa Maasim Municipal Police Station.
Nahitabo kini Martes sa buntag, Hunyo 26, 2018.
Matud ni P/S/Insp. Nemencio Calipho, ang naasoy’ng pinirso mao si Usman Undong Andam, 55-anyos, mag-uuma ug mulupyo sa Brgy Lumatil, Maasim, Sarangani Province.
Nag-atubang ang suspek ug kasong rape human matud pa gilugos ang iyang stepdaughter.
Andam na unta kining ibalhin sa Sarangani Provincial Jail.
-- ADVERTISEMENT --
Gikabutyag nga buot sa suspek nga una siya mabalhin sa Provincial jail, mapadangat ang iyang sulat ngadto sa pamilya sa biktima.
Sumala pa nga nagbasol siya sa iyang gibuhat.
Apan pagkabuntag nakaplagan na lamang ang biktma nga naghikog gamit ang iyang malong.
