TAMPAKAN, SOUTH COTABATO – Nagpaklaro na si P/Sr/Insp. Rafael Banggay, hepe sa Tampakan Police Station kang Police Regional Director Chief/Supt. Marcelo Morales kalabot sa iyang pagpusil-patay sa rape suspect nga si Sandro Ugdamin sulod sa ilang presinto.
Gibutyag sa Bombo Radyo ni P/Supt. Aldrin Gonzales, walay gayoy intensyon na pusilon ni Banggay ang suspek.
Sa pagsaysay kanila ni Banggay, nga wala niya tuyua nga pusilon si Ugdamin apan nabutang sa peligro ang iyang duty investigator nga si PO2 Melody Peñafiel hinungdan nga gihimo lang ang tamang aksyon.
Ang pagpusil sa suspek ang dili aron kini patyon apan i-neutralize lamang ug dili makapamusil apan napuruhan human nga maigo sa dughan nga bahin.
Si Ugdamin ang gidala sa maong presinto, Martes sa gabii human maaresto sa Brgy. Poblacion, Alabel, Sarangani Province tungod sa paglugos og pagpatay sa 5-anyos.
Ug samtang gipahigayon ang booking procedure sa presinto didto matud pa kini misulay sa pag-ilog sa pusil ni Po2 Peñafiel hinungdan napusilan sa Chief of Police.
Gilayong gidala sa ospital si Ugdamin apan gideklara sa doktor nga dead on arrival.
