GENERAL SANTOS CITY – Giangkon ni Kagawad Bobby Pacquiao nga nagpadayon ang negosasyon tali sa kampo iyang magulang nga si Sen. Manny Pacquiao ug sa posible niining makaatbang.
Sa pakighinabi sa Bombo Radyo, gibutyag niini nga basin sa sunod semana masayran na kung kinsa ang sunod nga makaatbang sa magulang alang sa away sa Abril.
Dungan niini, giangkon ni Kag. Bobby nga may negosasyon sa kampo ni Vasyl Lomanchenko, luyo nga una nang gihingusgan sa kampo sa Ukranian boxer nga dili makigsangka kang Pacquiao.
Samtang, bisan paman, suportado usab matud pa nila kon ugaling gusto na o dili pa magrestiro si Sen. Pacquiao.
Apan makita matud pa nga anaa pa sa kondisyon ang lawas niini, ug andam pang makig-atbang.
Hinuon, wala na matud pay angayang pamatud-an ang igsuon, isip nag-inusarang 8-division world champion.
