GENERAL SANTOS CITY – Trauma ang nadangatan sa usa ka 16 anyos nga babaye human gilugos ug gilabay sa creek sa duha ka suspek sa Sitio Mateo, Brgy. Atlae Malungon, Sarangani.
Sa pakighinabi sa Bombo Radyo sa inahan sa biktima, gisugo lamang matud pa niini ang anak nga mupalit ug mga lamas sa tindahan.
Apan giatngan kini sa mga suspek nga giilang sila s Jay-Ar Maluya ug Arnel Sikin, nga managsamang naka-inom, ug gidala sa kamaisan ug didto gilugos.
Wala matud pa nakasinggit ang biktima human gibutangan sa mga suspek ug tuwalya ang baba niini.
Nawad-an kini ug panimuot hinungdan nga nagtuo ang mga suspek nga patay na kini, ug gilabay sa creek.
Dihang nakamata, gipaningkamutan niining makapangayo ug tabang.
Gilayong nasikop si Sikin, samtang padayon pang gipangita ang lain pang usa ka suspek nga si Maluya.
Desidido karon ang mga ginikanan sa mga menor de edad nga mapanubag ang mga suspek sa nadangatan sa anak.
