GENERAL SANTOS CITY- Nagmalampuson ang gipahigayong satellite registration sa Comelec-Gensan kagahapong adlawa alang sa 2017 Barangay and SK election.
Matud pa ni Region 12 comelec director Atty. Micheal Abbas, nalipay siya sa nahimong turnout sa Gensan gumikan ubay-ubay ang nagparehistro.
Gipaklaro niini nga ang gipahigayong satellite registration sa SM Mall dinhi sa syudad atol mismo sa selebrasyon sa International Women’s Day ang dili lamang sa mga kababaihan.
Hinoon kasagaran nga nagparehistro ang mga babaye. Kahibaluan nga mismong si Atty. April Mitsor, ang Comelec officer sa dakbayan, ang nanguna sa registration.
Ang panawagan sa Comelec ngadto sa publiko nga kung may schedule sa satellite registration sa inyong lugar, angayang magparehistro gilayon.
Kahibaluan nga ang buhatan sa Comelec ang abli gikan Lunes hangtud sa adlawng Sabado.
