Oplan Kandado sa mga establisemento nga wala maka-renew sa ilang business permit, muarangkada na

GENERAL SANTOS CITY – Magsugod na sunod semana ang operation dakop nga ipahigayon sa mga ginsakpan sa Permit and Licensing Office sa mga negosyante.

Gibutyag ni Geraldine Zamora nga dili na hulaton pa nga magmaayo ang ilang sakyanan nga naa karon sa shop aron adtu-an ang mga negosyante.

Pursigido si Zamora nga kandaduhan kadtong mga establisemento nga wala maka renew sa ilang business permit luyo nga nahuman na ang One Stop Shop nga gipahigayon sa syudad.

Nagtuo si Zamora nga daghan sa mga negosyante ning tuiga ang wala makarenew tungod adunay mukapin 10,000 ang ihap sa mga negosyante sa miaging tuig apan sa kasamtangan aduna lamang mukapin sa 6,000 ang hingpit nga nakarenew sa ilang buniness permit.