GENERAL SANTOS CITY- Bawi-on sa delegasyon sa Gensan ang korona nga gihuptan karon sa South Cotabato isip champion sa SOCCSKSARGEN Regional Athletic Association (SRAA)sa miaging tuig.
Matud ni Celso Tengson ang Sports coordinator sa DepEd Gensan nga sayu nangandam ang mga atleta alang sa SRAA meet nga ipahigayon sugod ugma sa Amas, Kidapawan.
Kini ang hinungdan sa sayu nga pagpahigayon ug pagbansay sa mga magdudula aron pangandaman ang SRRA meet nga ipahigayon karong Pebrero 18 hangtud 22 ning tuiga.
Matud ni Tengson nga nakalarga na ang deligasyon niadtong miaging adlaw aron mapamilyar ang lugar ug maka adjust ang mga magdudula apan duha ka adlaw hinuon kining wala makagawas gumikan sa makusog nga pag-ulan.
Ang deligasyon sa dakbayan adunay 483 ka atleta nga gilangkuban sa 281 sa sekondarya ug 202 sa elementarya.
Miaging tuig midaug ang sekondarya samtang napildi usab ang elementarya hinungdan nga nakuha sa south cotabato ang korona.
