Niabot na sa 90 ang namatay sa epekto sa bagyong ‘Kristine’ sumala sa Office of Civil Defense (OCD).
Sa datus sa ahensya, tulo ang nadugang sa ihap sa casualties sa ilang report gikan sa 82 ka total casualties niadtong Sabado.
Gawas sa mga kaswalti, gimonitor usab sa ahensya ang 41 nga missing samtang 70 ka mga indibidwal ang gikataho nga naangol.
Sa datus sa National Disaster Risk Reduction and Management Council (NDRRMC), niabot na sa 158 ka mga lugar ang nagdeklara og state of calamity human maigo ang bagyong Kristine.
Samtang, matod sa Department of Public Works and Highways, 21 ka mga dalan ang gisirad-an pa hangtud sa kasamtangan tungod sa kadaot niini.
Sa pikas bahin, mohatag usab og P1.5 milyones nga financial assistance ang Department of Social Welfare and Development (DSWD) alang sa mga apektadong lugar sa Bicol Region ug Calabarzon.
