Nasuta nga siyam ka mga barangay sa dakbayan ang milangkob sa 80% nga active cases sa COVID 19 sa syudad.
Matud pa kang Dr. Jett Oco, department head sa City Health Office og IATF incident commander nga kini base sa September 6, 2021 nga data kung asa 108 ang nadugang nga kaso sa COVID-19.
Sa pamahayag ni Dr. Oco nga ang San Isidro ang gapanguna nga may labing daghang kaso sa COVID 19 nga anaa sa 190, ikaduha Lagao 183, ikatulo ang Fatima 91, City Heights 89, ikalima ang Labangal 72, ika-unom Calumpang, 51, ikapito Apopong adunay 49 active cases, ikawalo Mabuhay 34 og Buayan adunay 30 ka kaso.
Sa pamahayag ni Dr. Oco nga ang San Isidro ang may labing daghang kaso sa COVID 19 gumikan ubay-ubay ang mga gapuyo sa maong barangay gawas nga kasagaran sa mga residente mga essential workers nga maoy daghang natakdan sa COVID-19.
Nasuta sa data, nga sila ang nakatakod sa ilang miyembro sa pamilya hinungdan nga daghan ang natala.
Ang gika-alarma sa mga opisyal gumikan ang ubang mga barangay sa syudad nga walay kaso sa COVID-19 sa miaging tulo o upat ka semana ang nakalabay adunay natakdan na sa maong virus.
