GENERAL SANTOS CITY – Patay ang managsuon nga kaluha dihang malumos sa dagat kaniadtong miaging adlaw sa Kabatiol, Maasim Sarangani Province.
Giila ang mga biktima nga silang Kent Jhon ug Kent Floyd Pleños pulos 8 yrs.old ang pangidaron. Basi sa gihimong imbestigasyon nilang Police Major Romeo Calamba sa Maasim Municipal Police Station nga nananghid matud pa ang managsuon sa ilang Amahan nga mangaligo sa dagat.
Nakita matud pa sa amahan nga lingaw kaayo ang kambal nga nagdula sa dagat apan pipila ka minuto nga nakalimot kini sa mga Anak aduna nay silingan nagbutyag nga nalumos na ang iyang mga anak.
Gidala matud pa sa tambalanan ang mga biktima apan pulos gideklara nga patay sa mananambal.
Basi sa pahayag sa mga nakakita nga una nga nalumos ang usa ug buot unta nga luwason apan dili kini makamao mulangoy hinungdan nangalumos ang mga biktima.
Karong adlaw nga Dominggo na iahatud sa ulahing kapahulayan ang mga biktima.
