-- ADVERTISEMENT --
GENERAL SANTOS CITY – Nailhan na sa kapulisan ang patayng lawas nga nakaplagan kagahapon sa buntag sa Purok Paraiso, Klinan 6, Polomolok South Cotabato. Ang patay nga lawas giila nga si Jayson Muyco, 22 anyos nga residente sa Purok 13B, Brgy Fatima, Gensan.
Mismong ang pamilya niini ang nagkumpirma nga ilang kabanay ang naasoyng biktima.
Sumala pa sa kapulisan, nga “icepick” ang gituohang gigamit sa suspek sa pagdunggab sa biktima kung asa nakaangkon kini ug 17 ka mga samad.
Kahinumdum nga nakit-an sa usa ka tawo nga nanugway og baka ang patayng lawas sa biktima sa kasagbutang bahin sa naasoyng lugar nga nakagapos ug naka-duct tape ang nawong. Pagkakaron naa sa usa ka punerarya sa Polomolok ang nahisgutang biktima.
