GENERAL SANTOS CITY – Mukabat sa 600 ka mga dugang nga pulis ang gikinahanglan ug gina-recruit karon sa Police Regional Office 12.
Matud ni Police Supt. Aldrin Gonzales, labaw sa Lagao Police Station, gapanawagan karon ang PRO-12 alang ngadto sa mga nagtapos ug bisan unsang upat ka tuig nga kurso nga mag-apply alang sa CY 2017 PO1 Recruitment Program.
Alang sa mga interesado, kinahanglan lamang bisitahon ang www.pnp.oras.com aron ma-line-up sa listahan ug dayon i-text sila alang sa mga instruction, una i-comply ang mga gikinahanglang rekositos.
Ang mga aplikante ang kinahanglang usa ka Filipino citizen, may good moral character, nakapasa sa psychiatric, psychological, physical ug drug test ilawom sa PNP, Napolcom/Bar/Board o kaha Civil service passer o kaha college honor graudate, walay criminal record, atleast 5’4′ ang height sa lalaki ug atleast 5’2″ sa mga kababainhan, nagpangidaron ug dili muubos sa 21 anyos.
