-- ADVERTISEMENT --
GENERAL SANTOS CITY – Dead on arrival ang usa ka sais anyos nga batang babaye dihang gidala sa ospital human nga nalumos sa swimming pool.
Ang biktima ang nailhan nga si Precious Galo nga taga Brgy. Labangal ning dakbayan.
Matud sa report, naligo ang pamilya sa bata sa Tropicana Swimming Resort sa Brgy Tambler ning syudad.
Gibutyag nga nagligo ang bata gamit ang salbabida nga pangbata apan luyo nga anaa sa ibabaw nga bahin ang inahan niini og nagkaon, wala kini nabantayan nga napadpad sa lalom nga bahin sa swimming pool og nalumos.
Nakita na lamang ang bata nga nangluspad og wala nay panimuot nga naglutaw sa tubig.
-- ADVERTISEMENT --
Gilayon nga gidala sa ospital ang bata apan gideklarang patay sa mga attending physician.
