-- ADVERTISEMENT --
Unom ka mga tawo ang namatay human nahagsa ang usa ka light aircraft sa Nairobi, Kenya.
Ang Cessna nga eroplano nga iya sa Charity Amref Flying Doctors gikan sa Wilson airport paingon sa Hargeisa sa Somalia dihang kini nahagsa.
Daghang mga balay usab ang nasunog sa Githurai area diin nahagsa ang eroplano.
Si Kiambu County Commissioner Henry Wafula miingon nga ang mga patay naglakip sa mga doktor, nurses ug usa ka piloto, ingon man duha ka tawo sa balay diin ang eroplano nahagsa.
Ang mga otoridad nagpadayon sa ilang imbestigasyon sa hinungdan sa pagkahagsa.
-- ADVERTISEMENT --
