GENERAL SANTOS CITY – Wala makatunga sa bag-ong kaso sa COVID-19 ang nadugang nga ihap sa nagmaayo sa maong sakit sa rehiyon dose human nga mitala lang og 25 ang new recoveries kagahapon.
Base sa taho sa DOH Center for Health and Development SOCCSKSARGEN Region, mukabat sa 55 ang nadugang sa listahan sa mga nagpositibo samtang 25 ang nagmaayo.
Sa kasamtangan, mukabat na sa 6,569 ang COVID-19 confirmed cases kung asa may 352 kon 3.36% ang aktibo, anaa sa 5,979 kon 91.02% ang nagmaayo og 236 kon 3.59% ang napatay.
Nanguna sa gihapon nga adunay labing daghan nga aktibu nga kaso ang South Cotabato nga adunay 142 samtang 51 ang napatay.
Gisundan sa General Santos nga adunay 76 ka aktibu nga kaso samtang 89 ang namatay, ikatulo ang North Cotabato nga adunay 70 ka aktibu nga kaso samtang 58 ang namatay.
Ang Sarangani adunay 36 ka active cases ug 18 ang napatay og ang Sultan Kudarat adunay 28 ka aktibong kaso og 20 ang napatay.
