Lima ka mga tulunghaan sa syudad nga apil sa pilot implementation sa face to face classes nga magsugod sa Nobyembre 15, 2021.
Matud pa kang Dr. Carlito Rocafort sa Deped 12 nga kini mao ang Aspang Elementary School sa GenSan, Bato Elememtary School sa Makilala North Cotabato, Paco National High School sa Kidapawan City, Ned National High School sa South Cotabato og Nelmida Elementary School, Koronadal City, South Cotabato.
Sa pamahayag ni Rocafort nga 24 ka mga tulunghaan ang ilang gisumiti nga apil unta sa pilot implementation sa face to face classes apan lima lang ang aprobado.
Sa pagkakaron hugot ang ilang pagpangandam aron nga matuman ang tanang mga health protocols.
Kahibaluan nga sa Nobyembre 15 anaa sa 100 ka mga pampublikong tulunghaan og 20 ka mga pribadong mga tulunghaan ang apil sa pilot implementation sa face to face classes.
Una niini pito ka mga tulunghaan sa Sarangani ang apil sa pilot implementation sa face to face classes apan gi-defer gumikan daghan pa ang kaso sa COVID 19 sa maong lugar.
Dili lamang ang Sarangani ang miatras apan lakip ang daghang mga lugar hinungdan nga nagpili usab ang Deped og nagpagawas sa bag-ong listahan.
