GENERAL SANTOS CITY – Lima ka mga sakyanan ang nagkarambola sa Conel Road ning syudad sa Heneral Santos nga nagresulta sa pagkaangol sa unom katao.
Base sa istorya sa pipila ka biktima sa aksidente nga nakahunong matud pa sa kanto ang trisikel, Single Motor og pick-up kulay pula aron maghatag ug dalan sa usa pa nga pick-up kulay gray gikan sa Brgy. Mabuhay.
Apan usa ka itum nga kotse ang kalit nga misulpot og nag-overtake sa pick-up nga kalit usab nga nag-brake hinunbgdan nabangga kini sa pick-up og sa kakusog sa impact hinungdan nga misirko ang kotse.
Sa maong insidente, nadamay ang mga nakaparada nga single motor, traysikel og usa pa nga pick-up (hilux).
Nadala na sa ospital ang unom ka sakay sa traysikel human nga nakaangkon ug mga samad human s pagbangga.
