5 ka patayng lawas nga bihag sa mga Hamas nakabalik na sa Israel

Nadiskobrehan sa mga pwersa sa Israel ang mga lawas sa lima ka mga Israeli nga gipatay sa Hamas sa usa ka pag-atake kaniadtong Oktubre 7 2023.

Ang mga lawas sa mga biktima nga si Maya Goren, mga sundalo nga sila Tomer Ahimas ug Kiril Brodski, ug mga reservist sa militar nga si Ravid Aryeh Katz ug Oren Goldin gibalik na sa Israel.

Ang lima maoy unang gideklarar nga patay sa militar ug sa Israeli campaign group nga Hostages and Missing Families Forum.

Gipatay kuno sila sa Hamas sa adlaw sa pag-atake.

Sa unang adlaw sa pag-atake ang Israel nakatala ug 1,197 ka kaswalti.

Ang mga militante sa Hamas gikataho nga mikuha sa 251 ka mga hostage, diin 111 ang nagpabilin sa Gaza, lakip ang 39 nga gisuspetsahan sa militar nga patay na.