Mga magtutudlo sa Singapore gitugutan nga mamunal sa ilang mga estudyante

Gitugotan sa Singapore ang mga magtutudlo nga mamunal sa ilang mga estudyante isip paagi sa pagdisiplina.

Sumala ni Desmond Lee, gikan sa edad nga 9 anyos pataas, mahimong mogamit og bunal ang usa ka magtutudlo.

Gipaklaro niya nga adunay klarong mga panudlo nga gisunod aron dili masakitan ang mga estudyante.

Giuyonan usab kini sa mga prinsipal ug pipila ka school administration isip paagi sa disiplina.

Sa pagkakaron, nag-andam ang mga magbabalaod sa Singapore og bag-ong mga balaod sa husto nga pagdisiplina sa mga estudyante nga posibleng ipatuman sa sunod tuig.