GENERAL SANTOS CITY – Nasinatian sa dakbayan ang intensity II nga pagtay-og alas-10:13, Huwebes sa gabii.
Dungan kini sa natigayon nga 5.3 magnitude nga linog nga natigayon sa Davao Occidental.
Base sa Philippine Institute of Volcanology and Seismology (Phivolcs), ang sentro sa maong linog natala sa 19 kilometro sa Amihanang-Sidlakan sa Malita, Davao Occidental.
May gilawmon kini nga 185 km ug tectonic in origin.
Gawas sa GenSan, nakasinati usab ug intensity II nga pagtay-og ang Alabel, Sarangani, samtang intensity 1 sa Davao City; Sta. Cruz, Davao Del Sur; ug Tupi, South Cotabato.
Hinuon, walay natala nga kadaot o nasakitan tungod sa naasoy’ng makusog nga linog bisan sa sentro niini nga lugar.
Wala usay gitaas nga tsunami warning, o kaha mga aftershocks, sukwahi sa unang gikareport sa ahensya.
