32 ka pamilya apektado gumikan sa kusog nga ulan sa Maasim

GENERAL SANTOS CITY – Kapin sa P768,000 ang damyos gumikan sa natigayon nga kusog nga pag-ulan sa Maasim, Sarangani Province.

Matud pa kang Arlene Jollero, sa Municipal Disaster Risk Reduction and Management Office (MDRRMO) Maasim nga ang mga barangay nga apektado sa kusog nga pag-ulan ang Poblacion, Lumatil, Colon, kabatiol, Kablacan kung asa may natumba nga mga lubi manga og acasia .

Gibutyag nga upat ang nakaangkon og gagmay nga samad.

Anaa sa 32 ka pamilya ang naapektuhan sa kusog nga pag-ulan kung asa ang walo ang nagpabilin sa evacuation center.

Samtang missing ang usa ka bangka gumikan sa maong panghitabo. Gumikan sa natumba nga mga punuan sa kahoy nagresulta sa kawad-on sa supply sa koryente sulod sa pipila ka oras.