GENERAL SANTOS CITY – Mas gipahugtan pa sa kapulisan sa Region 12 ang kampanya batok sa illegal nga droga.
Kini gumikan sa mga presensya gihapon sa mga indibidwal nga nalambigit sa maong gimbuhaton.
Nasikop sa hiniusang pwersa sa kapulisan pinaagi sa search warrant nga gihimo sa Barangay San Jose, General Santos City sa May 29, 2025 ang usa ka lalake.
Kini mao si alias “Chad,” 23 years old, single, laborer og residente sa maong lugar.
Nakuha gikan kaniya ang suspected shabu nga anaa sa 11.3 grams ang gimbug-aton og duha ka sachets sa suspected dried marijuana nga anaa sa 4.3 grams.
Sa katibuk-an kapin sa P77,000 ang nakuha nga droga gikan kaniya.
Samtang naaresto usab sa kapulisan silang alias “Jack”, 45 years old, barangay kagawad og alias “Dudi”, 47 years old, driver og identified street-level drug peddler.
Ang duha ang pulos residente sa Koronadal City.
Kapin sa P68,000 ang kantidad sa droga nga nakuha gikan kanila.
