Nangakasuhan na sa pagsupak sa Comprehensive Dangerous Drugs Act of 2002 ang tulo ka personalidad nga responsable sa pagtanom sa 5,000 fully grown marijuana sa hilit nga bahin sa Sultan Dumalondong, Lanao del Sur.
Gitumbok ni Lanao del Sur Police Provincial Office Director Col. Caezar Cabuhat ang nadakpan nga marijuana cultivator nga si alyas Rupug kuyog sa duha pa ka kauban niini nga tulog pag-abot sa tropa sa lokasyon.
Gibanabana nga anaa sa 2,000 ektarya ang kalapad sa yuta nga gitamnan sa maong mariwana nga adunay kantidad nga P900,000.00.
Gilayong gipaubos sa imbentaryo ang mga droga human sa pagkaibot ayha gipangsunog.
Apan samtang nagsunog sa mga marijuana, gipabutha og mga armas gikan sa wala matino nga direksyon ang tropa sa gobierno rason nga gilusad ang tactical reconnaissance aron masumpo ang sympathy attack gikan sa mga armadong tawo.
Wala damha nga sa maong taktikal nga operasyon, disgrasyang nawala ang 9mm pistol ni Corporal Hanif Abdulaziz diin gihimuan pa sa dugang imbestigasyon.
Hinoon,walay mga samaron gikan sa tropa ni Lt Col Allen Alcido sa PSOG/PDEU ubos sa Lanao del Sur PNP kuyog sa mga tropa sa 1st PMFC LDSPPO, PIU LDSPPO, PIAT-RIU15 LDS, CDEU Marawi CPS, 1403rd RMFC RMFB14-A ug Sultan Dumalondong Municipal Police Station.
