-- ADVERTISEMENT --
Gilauman karong semana nga ma-release ang laing batch sa fuel subsidy nga gitanyag sa lokal nga panggamhanan alang sa mga traysikol drayber nga adunay prankisa.
Matud ni Mayor Lorelie Pacquiao, mokabat sa 2,700 ka mga drayber ang makadawat sa tag ₱1,500 nga hinabang aron makatabang sa ilang panginabuhian, ilabi na sa padayon nga pagsaka sa presyo sa petrolyo.
Dugang pa sa mayor, dako ang ilang kalipay tungod kay sa miaging semana, kapin sa 4,000 ka mga benepisyaryo ang nahatagan na usab og susamang ayuda gikan sa lokal nga gobyerno.
Padayon ang paningkamot sa LGU sa paghatag og suporta sa sektor sa transportasyon aron mapagaan ang ilang adlaw-adlaw nga gasto.
