GENERAL SANTOS CITY – Mukabat sa 26 ka mga tulunghaan gikan sa South Cotabato, Cotabato province ug Sultan Kudarat ang nagsuspende ug klase sa mga pampubliko ug pribadong tulunghaan.
Kini tungod sa maot nga panahon nga nagdala sa mga pag-ulan nga nasinati-an. Ang probinsya sa Cotabato ang unang nagdeklara nga walay klase ang mga tulunghaan lakip sa Kidapawan City, Antipas, Arakan, Aleosan, Carmen, Kabacan, Makilala, Matalam, Magpet, Tulunan, Pigcawayan ug Pres. Roxas. Sa probinsya sa South Cotabato, nagpagawas ug suspension of classes ang mga Mayor sa Banga, Norala,Tantangan , Lake Sebu ug Polomolok; wala usab klase sa Colombio, Esperanza ug Lambayong Sultan Kudarat Province.
Sumala kang OCD-12 Regional Information Officer Joriemae Balmediano, ang naasoy nga mga lugar ang may mga natala nga pagbaha ug landslide samtang nagpadayon ang assessment sa lugar.
Nagpadala usab ug monitoring ang Office of the Civil Defense tungod sa dili matagna nga lihok sa panahon samtang tambag sa mga residente nga magbinantayon tungod sa nasinati-ang pag-ulan ug posebli nga muhikling sa safety nga lugar.
