GENSAN– Blangko pa ang kapulisan og pamilya sa motibo sa pagpamusil patay sa usa ka 24 anyos nga lalaki sa Acacia Residence Subidivision, Brgy. Labangal, Gensan kaganihang pasado alas 2 ang takna sa kaadlawon.
Kahibaluan nga dead on arrival ang nagpangalan og Mark Cesar Viajedor Deocampo nga residente sa nasampit nga lugar.
Sa pagresponde sa ginsakpan sa Makar Police Station, ilaha pang naabtan ang biktima nga buhi pa hinungdan nga gilayong gidala sa ospital apan pag-abot, gideklara kining dead on arrival sa doctor tungod sa naangkon nga mga samad-pinusilan sa nagkandaiyang bahin sa lawas niini.
Sa pakighinabi sa Bombo Radyo ngadto sa guwardya sa maong subdivision, gibutyag niini nga alas dos sa kaadlawon nag-inusara ang biktima nga migawas sa gate dala ang cellphone.
Apan nakit-an na lang kini nagbuy-od sa dalan og adunay samad pinusilan. Narekober sa lugar diin natigayon ang krimen ang unom ka mga basiyo sa 9mm caliber.
