GENERAL SANTOS CITY – Mukabat sa 238 ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Samtang anaa sa 172 ang bag-ong recoveries og 11 ang patay.
Sa mga namatay duha ang gikan sa GenSa, duha gikan sa Kidapawan City, duha usab ang residente sa Norala, South Cotabato, usa sa Tulunan, President Roxas, North Cotabato og usa usab ang gikan sa Tacurong City, Korondal City, og Lebak, Sultan Kudarat.
Sa 238 ka bag-ong kaso, 100 gikan sa South Cotabato, 80 sa GenSan, 44 sa Cotabato Province, 9 sa Sultan Kudarat.
Tungod niini anaa sa 3,797 ang kaso sa COVID 19 sa GenSan, 709 ang active cases og 124 ang patay.
Ang South Cotabato adunay 3,788 ka kaso, 745 ang active cases og 90 ang patay.
Ang Cotabato Province 2,021 ang kaso, 492 ang active cases og 112 ang patay.
Sa Sarangani adunay 1,239 ka kaso, 244 ang active cases og 25 ang patay.
Sa Sultan Kudarat adunay 1,285 ka kaso, 263 ang active cases og 34 ang patay.
Sa katibuk-an adunay 12,220 COVID-19 ang confirmed cases sa SOCCSKSARGEN region kung asa 2,453 (20.07%) ang active cases, 9,380 (76.76%) ang recoveries og 385 (3.15%) ang COVID-19 related deaths.
