218 ka transferees gikan Marawi, natala sa DepEd-Gensan

GENERAL SANTOS CITY – Mukabat sa 218 ang natala sa Department of Education nga transferees gikan sa Marawi.

Matud ni School Division Superintindent Gildo Mosqueda nga abli hangtud ning panahuna ang mga tulunghaan sa dakbayan aron dawaton ang mga estudyante gikan sa Marawi nga gustong makatungha dinhi sa dakbayan.

Nasuta nga adunay 144 ka mga nagpatala sa elementarya sa lain-laing tulunghaan sa dakbayan.

Samtang 66 sa Junior High School ug 18 usab sa senior high school.

Kahinumduman nga may kamandu-an si DepEd Secretary Leonor Briones nga dawaton ang kinsa mang IDP’s nga mutungha dinhi sa Rehiyon dose bisan ug walay ipresenta nga papeles.

Nasuta nga dinhi sa dakbayan adunay mukapin sa dos mil ka mga internally displaced person .