GENERAL SANTOS CITY – Patay ang usa ka municipal councilor ug usa ka barangay kagawad human ang gikasa nga raid sa Brgy Poblacion, Kiamba, Sarangani Province, kaganihang kaadlawon.
Sa pakighinabi sa Bombo Radyo kang Kiamba Vice Mayor Danny Martinez, giila niini ang mga namatay nga silang Kiamba Municipal Councilor Ronelo Mamaclay, ug Brgy Poblacion Kag. Frederick ‘Jojo’ Orubia, pulos mga residente sa nasampit nga lugar.
Gikasa ang bulag nga search operation sa panimalay sa duruha, kunga sa gikabutyag nga misukol sa mga otoridad hinungdan nga napatay, butang nga kasamtangan pang ginaberipika.
Gipaabot pa karon ang mamahimong statement sa raiding team kalabot sa tinuod nga nahitabo, at kung unsa ang mga narekober sa panimalay nilang Mamaclay ug Orubia.
Nasayran nga nalakip ang pangalan sa duha ka konsehal sa gipagawas kaniadto nga narcolist sa PDEA.
