GENERAL SANTOS CITY – Laing duha ka sakop sa rebelding grupo ang nagsurender sa Joint Task Force Central sa probinsya sa Sultan Kudarat pinaagi sa tabang sa lokal nga gobyerno sa Lebak, Sultan Kudarat.
Matud ni Lt. Col. Allen Van Estrera, commanding oOfficer sa 37th Infantry Battalion nga ang duha ka surenderee nga sakop sa Dragon Fruit Platoon, East Daguma Front, Sub-Regional Committee , Far South Mindanao Region.
Bitbit sa duruha ka kanhi rebelde ang usa ka 12 gauge shotgun ug usa ka 38 revolver.
Gumikan niini gidayeg ni Brigadier Gen. Eduardo Gubat sa 603rf Infantry Brigade ang 37Th Infantry Battalion ug ang LGU sa Lebak Sultan Kudarat sa walay hunong nga kampanya inubanan sa community program ug focused military operations hinungdan nga mibalik sa sabakan sa gobyerno ang mga nahisgutan.
Matud ni Gen. Gubat nga mihinay samot ang kalihukan sa mga rebelde gumikan sa padayong pagsurender sa nga combatant dungan sa pagtalikod sa sayop nga gipakigbisogan.
Gikadugang niini nga magpadayon nga abli ang ganghaan sa gobyerno niadtong magdesisyon nga musurender aron makauban nila nga malinawon ang ilang pamilya.
