GENERAL SANTOS CITY – Gibasol sa usa ka pamilya sa ilugon nga ilang gikaon ang hinungdan sa kamatayon sa ilang ma hal sa kinabuhi nga dos anyos, samtang nagpabilin sa ospital ang igsuon sa nasampit nga nagpangidaron og 8-anyos.
Sa pakighinabi kay Alma Minyoto ang apuhan sa mga bata nga sa usa ka meat shop sa Brgy. Lagao niya napalit ang ilugon niadtong Biernes sa hapon.
Pag-abot sa ilang balay, gilaga niya ang ilugon og ang katunga ang iyang gisugba og dayon gi-kilawin nga maoy gisud-an sa panihapon.
Pasado 8 sa gabie, unang naglain ang paminaw sa anak nga si Charie, 26-anyos. Gidala sa ospital ang duha ka apo nga silang Elian Ofalia, 2-anyos og Eliana, 8-anyos gumikan sa kanunay nga pagsuka-suka og pagsakit sa tiyan.
Apan pasado alas 7 sa gabie niadtong Sabado, nakabsan sa kinabuhi ang apo nga si Elian.
Duda ang apuhan nga ang kilawin nga ilugon ang hinungdan sa nahitabo bisan nagsud-an usab og nilagang itlog sa panihapon.
Sa pamahayag niini, kanunay silang gasud-an ug nilagang itlog apan wala maunsa.
Ang tanang miembro sa pamilya nga nagkaon sa ilugon ang nakasinati og pagpanakit sa tiyan apan ang mga bata ang nagrabehan.
