GENERAL SA NTOS CITY – Mukabat sa 16 ang bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Sa taho usab sa ahensya, 21 ang bag-ong nakarekober og duha ang nadugang sa namatay nga usa gikan sa Libungan og Kidapawan, North Cotabato.
Sa 16 ka bag-ong kaso, 4 gikan sa North Cotabato, usa gikan sa GenSan, unom sa South Cotabato kung asa usa sa Banga, duha sa Korondal City og tulo sa Polomolok og lima gikan sa Sultan Kudarat.
Gumikan niini mukabat na sa 2,233 ang kaso sa COVID 19 sa GenSan, 78 ang active cases og 89 ang patay.
Ang South Cotabato ang may 1,787 ka kaso, 71 ang active cases og 49 ang namatay.
Ang Cotabato Province ang may 991 ka kaso, anaa sa 61 ang active cases og 55 ang patay.
Ang Sarangani adunay 615 ka kaso, 11 ang active cases og 18 ang nakabsan sa kinabuhi.
Ang Sultan Kudarat ang may 666 ka kaso, 51 ang active cases og 18 ang patay.
Sa katibuk-an adunay 6,292 ang COVID-19 confirmed cases sa Region 12 kung asa 272 (4.32%) ang active cases; 5789 (92%) ang recoveries og 229 (3.64%) ang COVID-19 related deaths.
