ISRAEL — Mokabat sa 15 ka mga overseas Filipino workers (OFWs) sa Israel ang nagpahayag sa ilang tinguha nga mopauli sa Pilipinas tungod sa kahadlok sa nagkataas nga tensiyon tali sa Israel ug Iran.
Sumala sa Department of Foreign Affairs (DFA), kini nga mga Pinoy boluntaryong mipadangat sa ilang hangyo sa embahada sa Tel Aviv, ug kasamtangang giandam ang mga lakang alang sa ilang repatriation.
Gipasabot sa DFA nga wala pay halapad nga repatriation directive nga ipatuman, apan gikuhaan na og datos ang tanang gustong mopauli aron masiguro ang luwas ug organisado nga pagpadala nila pabalik sa Pilipinas.
Nagpadayon gihapon ang pakig-alayon sa DFA, Department of Migrant Workers (DMW), ug Overseas Workers Welfare Administration (OWWA) aron maprotektahan ang tanang Pilipinong apektado sa tensiyon sa Middle East.
Gihangyo sa gobyerno ang tanang OFWs sa rehiyon nga magpabilin sa komunikasyon uban sa mga embahada ug sundon ang mga sugyot ug mando sa lokal nga awtoridad.
