Mukabat na sa 10 ka tawo ang nareport nga patay sa pag-landfall ni Hurricane Milton isip Category 3 storm duol sa Siesta Key sa Florida, Estados Unidos sa Amerika.
Lima sa casualties ang kumpirmado nga gikan sa St. Lucie County sa Atlantic coast sa state kun asa nahitabo ang buhawi.
Sa pikas nga bahin, gireport usab sa St. Petersburg police nga adunay duha ka storm-related deaths sa maong syudad samtang ang tulo usab ang na-rekord sa Volusia County.
Adunay risgo gihapon sa pagbaha og paglapaw sa tubig sa suba nga magbutang sa risgo sa kinabuhi sa 11 million ka mga tawo sa maong estado.
Base sa poweroutage.us, sobra sa 3.4 million ka mga customer ang walay suplay sa kuryente tungod sa maut nga dagan sa panahon.
Kahibaluan nga nakaapekto si Hurricane Milton duha ka semana human ang paghaguros ni Hurricane Helene sa Florida og sa pito ka uban pa nga states.
Kanhi category 5 si Milton apan gipanaog sa category 3 una kini naka-landfall sa western coast sa Florida pasado alas 8:00 sa gabie sa Miyerkules nga adunay dala nga 120 mph nga hangin og mga buhawi.
