Nagpadayag og gugma ug paghinumdom ang singer nga si Zsa Zsa Padilla ug aktor nga si Eric Quizon alang sa mipanaw nga King of Comedy nga si Dolphy, samtang gihandom sa mga Pilipino ang Adlaw sa mga Santo ug Kalag-Kalag.
Sama sa iyang gibuhat matag tuig sukad sa pagkamatay ni Dolphy, personal nga miadto si Zsa Zsa Padilla sa Heritage Park sa Taguig City aron bisitahon ang lubnganan sa iyang minahal. Sa iyang Instagram post, iyang gibutang ang mensahe:
“Eternal rest grant unto them, O Lord, and let perpetual light shine upon them. May their souls and all the souls of the faithful departed, through the mercy of God, rest in peace. Amen.”
Samtang si Eric Quizon, anak ni Dolphy, miadto usab sa Heritage Park mas sayo pa sa All Souls’ Day aron makalikay sa daghang tawo. Sa iyang Instagram post niadtong Biyernes, iyang gisulat:
“I decided to come earlier before it gets busy at the Heritage Park. Said a little prayer for my Dad in commemoration of All Souls’ Day. Surprised to see a wreath of flowers from the City of Manila! With our gratitude to the Mayor.”
Si Dolphy, nga natawo isip Rodolfo Vera Quizon Sr., namatay niadtong Hulyo 2012 tungod sa chronic obstructive pulmonary disease. Siya 83 anyos sa panahon sa iyang kamatayon.
Hangtod karon, padayon gihapon nga gihandum ni Padilla ug sa pamilya Quizon ang legasiya sa hari sa komedya nga naghatag og kalipay ug inspirasyon sa daghang Pilipino.
