GENERAL SANTOS CITY- Dose ka adlaw una ang pagsaulog sa Pasko padayong ginahan-ay sa General Santos City Police Office ang deployment details gumikan sa halos “multi-function” na ang trabaho sa kapulisan.
Usa sa giplastar na karon sa GSCPO ang mga ‘yantok’ patrollers, alang sa istriktong pagpatuman sa gilatag nga health ug safety protocols sa mga pampublikong lugar, dungan sa pagsugod sa tradisyonal nga Simbang Gabi.
Sa pakighinabi kang P/Capt. Rissa Hernaez ang tigpamaba sa kapulisan sa dakbayan nga gawas sa anti-criminality campaign ug mga administrative works, ma-obliga usab ang mga police personnel nga mo-patrolya sa mga kadalanan sa padayong kampaniya batok sa bahad sa coronavirus disease 2019 infection.
Giawhag ni Hernaez ang publiko nga mosunod sa mga gilatag nga minimum health standards.
