Sulod na sa finals sa nagpadayon nga Paris Olympics 2024 ang Pinoy ug world’s No. 2 pole vaulter Ernest John “EJ” Obiena. Una niini nakaduha ka sipyat pa si Obiena sa 5.60 m height apan malampuson nga na-clear ang 5.70 sa ikatulo ug ulahing attempt alang sa Men’s Pole Vault.
Nahimong kabahin si EJ sa best-12 performance sa naasoy nga event alang sa finals.
Nag-unang bet si Obiena sa Philippine team nga makakuha ug medalya sa Paris Olympics, human natala ang maayo nga record kung asa nahimo nga molokso lampas sa unom ka metros sa makaduha ka higayon sa mga international competition nga iyang giapilan.
Nagtuo si Philippine Athletics Track and Field Association president Terry Capistrano nga dili sayon ang tanan hangtud karon wala sila nagkampante.
Matud niini dili angay nga ipakamenos ang uban pang Olympian ug angay nga magpabilin ang focus ang mga atleta sa ilang event.
Sa kasamtangan guhuptan ni world No. 1 Duplantis ang highest record, samtang ang world No. 3 nga si Sam Kendricks sa USA ang nakatala usab ug 6.06 meters.
Si Obiena ang giila nga unang lalaki gikan sa Asya nga makahimo paglokso sa mukapin unom ka metros.
Natala niini kaniadtong Hunyo 10, 2023 sa Bergen, Norway.
