GENERAL SANTOS CITY – Gimando sa International Boxing Federation kon IBF kang World flyweight champion Sunny Edwards nga depensahan ang iyang bakus batok kang mandatory challenger Jayson Mama ilawom sa Sanman Promotions dinhi sa dakbayan.
Si Edwards ang taga United Kingdom nga may 16 ka daog, walay pildi og 4 ka knockouts.
Ang ulahing engkwentro ni Edwards ang natigayon sa miaging Marso 2021 batok kang Moruti Mthalane nga midaog pinaagi sa unanimous decision.
Si Mama angmay 16 ka daog walay pildi og siyam ka knockouts nga si Romshane Sarguilla ang iyang ulahing nakalaban sa miaging Mayo 2021.
Gihulat pa sa Sanman Promotions ang dugang nga impormasyon kalabutan sa kamanduan sa IBF.
Nasayran nga si Mama ang number 3 sa ranking sa IBF kung asa bakante ang number 1 og number 2.
