Miangkon ang TV host ug negosyante nga si Willie Revillame nga nakasinati siya og dakong kapildihan sa casino nga miabot kapin sa usa ka bilyon ka piso.
Sa iyang pamahayag atol sa usa ka interbyu, prangka niyang giingon nga dili siya magbakak mahitungod sa iyang kasinatian sa sugal.
Matod pa niya, dako gyud ang iyang napildi ug nakaamgo siya nga lisod gyud modaog sa sugalan.
Giila ni Revillame nga ang maong panghitabo nahimong leksyon alang kaniya bahin sa peligro sa sugal ug sa posibilidad sa dakong kapildihan bisan pa og dako ang imong kwarta.
Wala siya naghatag og dugang detalye kon kanus-a ug asa nahitabo ang maong pagkapildi, apan klaro nga dako kini nga kantidad.
Sumala pa niya, ang sugal dili garantiya sa kadaugan ug kinahanglan adunay disiplina aron malikayan ang mas dako pang kadaot pinansyal.
