Giingong misuway sa pagbiya sa Batam, Indonesia padulong Hongkong ang igsoon sa gitaktak nga Mayor sa Bamban Alice Gou.
Mao kini ang gibutyag sa Presidential Anti-Organized Crime Commission (PAOCC).
Matud nila nga kini nga impormasyon ang nadawat nila gikan sa mga otoridad sa Indonesia.
Matod ni Winston Casio ang tigpamaba sa PAOCC nga nagpaabot pa sila sa mga taho gikan sa ilang mga kauban sa Hong Kong kung nagmalampuson ba ang pagsulay ni Wesley Guo nga mobiya sa Indonesia.
Sa kaso ni Alice Guo, ang mga awtoridad sa Indonesia masaligon nga nagpabilin siya sulod sa Batam.
Samtang ang opisyal nga base sa imbestigasyon sa PAOCC nagbutyag nga si Alice Guo katapusang nakit-an sa Pilipinas kaniadtong Hulyo 14 sa usa ka pribadong resort sa Luzon.
Matod niya, dihang ilang gisuwayan pagsilbi ang warrant ug mission order batok kang Alice Guo o Guo Hua Ping, ang ilang tinubdan nipahibawo sa dapit kung asa katapusang nakit-an ang kanhi mayor nga nibiya na siya sa lugar sakay sa 2 ka speed boat uban sa pipila niya ka mga kauban sa unang mga oras sa ilang operasyon.
Dugan pud niini nga ang pipila ka mga rota ni Guo gawas sa nasud kung asa kaniadtong Hulyo 17 siya nibiya sa Denpasar, Indonesia ug niabot sa Kuala Lumpur, Malaysia niadtong Hulyo 18, 12:05 sa kaadlaon, gamit ang iyang Philippine passport.
Niadtong Hulyo 21, mibiya siya sa Kuala Lumpur paingon sa Singapore ug niadtong Agosto 18 mibiya sa Singapore dayon mibiyahe paingon sa Batam, Indonesia sakay sa ferry boat.
