GENERAL SANTOS CITY – Gi-anunsiyo ni Dr. Bong Dacera ang labaw City Disaster Risk Reduction and Management Office ang gimuntar nga water level measuring device sa Department of Science And Technology kon DOST sa dike Purok P.I 16, City Heights ning dakbayan.
Matud pa ni Dr. Dacera, usa kini ka aparato nga adunay siren kon asa masayran ang posibilidad sa pagbaha sa usa ka lugar.
Gibutyag sa opisyal nga anaa sa ilahang buhatan ang triggering mechanism sa water level measuring device apan adunay audio nga madunggan sa lugar isip signal o warning sa mga residente nga adunay paabutay nga pagbaha og unsa ang angayang himuon.
Gibutyag ni Dr. Dacera nga mahidangat sa dakbayan ning adlawa ang mga personahe sa DOST-12 og Pagasa Central Office aronn magpahigayon og lectures og orientation sa ‘function’ sa water level measuring device.
Tambungan kini sa mga barangay kapitan og mga katawhan sa dakbayan ilabina ang mga residente sa Purok P.I 16, City og Jhonny Ang Paradise.
Ugma, Martes, ipahigayon sa mga facilitator sa DOST og Pagasa ang Regional simulation exercise aron sulayan ang maong aparato.
Kahibaluan nga catch basin ang GenSan sa pagbaha kon muulan sa taas nga bahin.
