GENERAL SANTOS CITY – Nabilanggo sa pagkakaron sa selda sa San Isidro PNP ang usa ka wanted person nga gitudlong responsable sa mga robbery hold-up og ubang mga shooting incidents sa syudad.
Ang dinakpan ang nailhan sa pangalan nga si Danilo Emba Wes nga gitudlo nga mipatay sa usa ka negosyante sa syudad sa Barangay City Heights kaniadtong.
Si Wes ang nasikop sa San Isidro PNP kauban ang National Bureau of Investigation (NBI) Regional Office 12 sa Barangay Basag, T’boli, South Cotabato.
Ang kasong murder ni Wes ang may criminal case number 20-33148 nga giisyu sa miaging October 28, 2020, nga gipirmahan ni Judge Renato V. Tampac sa Regional Trial Court, Branch 59 nga walay pyansa nga girekomenda.
Base sa imbestigasyon nga si Wes ang gitudlong driver sa tricycle nga gigamit isip ‘get-away-vehicle sa dihang gipusil ang maong negosyante.
Samtang ang laing suspek nga si April Joy Campos Locsin, gitudlong utok sa pagpatay sa negosyante, nga kanhi uyab sa biktima ang nadakpan sa mga otoridad sa kauluhan sa miaging November 8, 2020.
