Giklaro ni House Deputy Majority Leader Rep. Erwin Tulfo nga wala gitabangan sa mga lider sa House of Representatives si VP Sara Duterte.
Matud ni Tulfo nga ang mga leader sa Ubos Balay Balauranan wala gitabanagn ang ikaduhang presidente bisan pa man sa nangaging mga panagsangka tali sa mga magbabalaod ug ni VP Sara, ilabi na sa hisgutanan sa budget ug confidential fund.
Dugang sa opisyal nga bisan og adunay pipila ka mga sakop sa Kamara nga gustong limitahan ang budget sa buhatan ni VP Sara, matod niya daghan sa mga lider ang gustong hatagan og igong pundo ang bise presidente.
Gani matud ni Tulfo nga bag-o lang nakigtagbo si House Speaker Martin Romualdez sa mga House leaders ug gituki ang budget nga igahin sa buhatan ni Duterte.
Tungod kay angayan lang usab nga ihatag gayud ang tukmang pundo alang sa opisina ni Dutere bisan pa desisyon sa pipila ka mga House leaders ang kusganong mibabag niini.
Ingon man nga sukwahi kini sa nahitabo dihang ilang gituki ang sitwasyon ni kanhi Negros Oriental 3rd District Cong. Arnolfo Teves Jr. diin dungan nilang giwagtang ang pugante nga kongresista.
